ଭୁବନେଶ୍ୱର : ଉତ୍ତର ଭୁବନେଶ୍ବର ନିର୍ବାଚନ ମଣ୍ଡଳୀ ଅନ୍ତର୍ଗତ ମହାନଗର ନିଗମ ୱାର୍ଡ ନମ୍ବର ୧୪ର ସୀତାନାଥ ବସ୍ତି, ଇଶାଣେଶ୍ୱର ବସ୍ତି, ହରେକୃଷ୍ଣ ନଗର ବସ୍ତି, ଆଦର୍ଶ ବସ୍ତି ଓ ସୋମନାଥ ବସ୍ତିରେ କରୋନା ସମୟରେ ଜୀବନ ଜୀବିକା ପ୍ରଭାବିତ ହୋଇଥିବା ପ୍ରାୟ ୧୬୦୦ ଗରିବ ପରିବାରଙ୍କୁ ଅକ୍ଷୟ ପାତ୍ର ଫାଉଂଡେସନ ଦ୍ୱାରା ମାନ୍ୟବର ଭୁବନେଶ୍ୱର (ଉତ୍ତର) ବିଧାୟକ ଶ୍ରୀଯୁକ୍ତ ସୁଶାନ୍ତ ରାଉତଙ୍କର ତତ୍ବାବଧାନରେ ଲଗାତାର ୪ ଦିନ ଧରି ଶୁଖୁଲା ଖାଦ୍ୟ ବଣ୍ଟନ କରାଯାଉଛି ।
ଏହି କାର୍ଯ୍ୟକ୍ରମରେ ପୂର୍ବତନ ସ୍ଥାନୀୟ କର୍ପୋରେଟର ଦେବୀପ୍ରସାଦ ମଲ୍ଲିକ, ଯୁବନେତା କାଳିଚରଣ ସିଂ, ମନୋରଞ୍ଜନ ଦାସ, ସଦାଶିବ ଦଳେଇ, ଧନେଶ୍ୱର ବାରିକ, ଅନୁକୂଳ ଚନ୍ଦ୍ର ସାହୁ ଓ ମିଲୀ ରଣା ଯୋଗଦେଇ କାର୍ଯ୍ୟକ୍ରମକୁ ସଫଳ କରାଇଛନ୍ତି । କରୋନା ଭଳି ପ୍ରାକୃତିକ ବିପର୍ଯ୍ୟୟ ସମୟରେ ମାନ୍ୟବର ବିଧାୟକଙ୍କର ଏଭଳି ଜନହିତକର କାର୍ଯ୍ୟକୁ ଜନସାଧାରଣ ପ୍ରଶଂସା କରୁଛନ୍ତି ।