ବଡ଼ଚଣା (୨୮ / ୭ / ୨୦୨୧ ) କେନ୍ଦ୍ରାପଡ଼ାର ଜନୈକ ସାମ୍ବାଦିକଙ୍କୁ ଆକ୍ରମଣର ପ୍ରତିବାଦରେ ତୁରନ୍ତ ଆକ୍ରମଣକାରୀଙ୍କୁ ଆଇନଗତ କାର୍ଯ୍ୟାନୁଷ୍ଠାନ ସହ ଅସୁରକ୍ଷିତ ସାମ୍ବାଦିକଙ୍କୁ ସୁରକ୍ଷା ଦାବିରେ ଆଜି ପୂର୍ବାହ୍ନ ରେ ବଡ଼ଚଣା ସାମ୍ବାଦିକ ସଙ୍ଘ ଏକ ଦାବିପତ୍ର ରାଜ୍ୟ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଦର୍ପଣ ତହସିଲଦାରଙ୍କୁ ପ୍ରଦାନ କରିଛି ।
ଏହି ପରିପ୍ରେକ୍ଷୀରେ ସଙ୍ଘର ସମସ୍ତ କର୍ମକର୍ତ୍ତା ମାନେ ସ୍ଥାନୀୟ ଚଣ୍ଡିଖୋଲ ଠାରେ ଥିବା ବୁଦ୍ଧମୂର୍ତ୍ତି ରେ ପୁଷ୍ପ ମାଲ୍ୟାର୍ପଣ ଅର୍ପଣ କରି ଏକ ରାଲି ବାହାରି ଦର୍ପଣ ତହସିଲ କାର୍ଯ୍ୟାଳୟ ଅଭିମୁଖେ ଯାଇଥିଲା । ବାଲିଚନ୍ଦ୍ରପୁର, ଛତିଆ, ବାଲିକୁଦା, ଚଣ୍ଡିଖୋଲ ଅଞ୍ଚଳର ସମସ୍ତ ସାମ୍ବାଦିକ ସମର୍ଥନ ଜଣାଇ କାର୍ଯକ୍ରମରେ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ବରିଷ୍ଠ ସାମ୍ବାଦିକ ମହେଶ୍ଵର ବଳ , ପ୍ରଦୀପ୍ତ କୁମାର ପୃଷ୍ଟି ,ସାମ୍ବାଦିକ ଭକ୍ତ ଚରଣ ସାହୁ, ପ୍ରମୋଦ କୁମାର ଜେନା, କୃଷ୍ଣ ଚନ୍ଦ୍ର ସାହୁ ସମେତ ବହୁ ବରିଷ୍ଠ ସାମ୍ବାଦିକ ମାନେ ଯୋଗ ଦେଇ ସାମ୍ବାଦିକ ଆକ୍ରମଣ ଘଟଣାର ଦୃଢ ନିନ୍ଦା କରିଥିଲେ ।
